July 25, 2024

July 25, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Kuv saamfwm rua mej ib tsoom pejxeem has tas, “txhua tug tuabneeg kws kuv kaav yuavtsum fwm hab saib taug Daniyees tug Vaajtswv. “Nwg yog tug Vaajtswv muajsa nyob, hab nwg yuav kaav moog ibtxhis. Nwg lub tebchaws yuav tsi raug kev puamtsuaj, hab nwg yuav muaj fwjchim moog ibtxhis le. Nwg cawm hab paab tau tuabneeg dlim; nwg ua tej txujci tseemceeb sau ceebtsheej hab huv nplajteb. Nwg tau paab Daniyees dlim tsi pub tsuv ntxhuav tum.”— Daniel 6:26-27

Xaav Txug Tejlug Rua Nubnua

Yog ibtug Vaajntxawv txawv tevchaws nyob rua huv Vaajtswv txujlug phoo qub lug ncu txog Peb tug Vaajtswv  kws yog tug muaj fwjchim hab yog tug zoo kawg kaus yuav ua rua peb zoo sab vim peb tug Vaajtswv txhaj yog tug tsimnyog tuabneeg nplajteb qhuas, hab qhuas nwg kws yog Yexus!  Peb tug Vaajtswv yog tug muajsa zeeg nyob hab yog tug Vaajtswv nyob moog ibtxhis.  Nwg yog tug coj peb moog rua huv nwg lub Vaajloog, kws yuav yog lub yuav tsi muaj kev nrhuav kuas puamtsuaj hab tsi ua zug. Peb tug Vaajtswv yog tug Tswv muaj fwjchim luj, tug cawm hab txhiv peb.  Nwg muab yaam xwm tseemceeb kuas coj tau peb tawm huv txuj kev txhum lug ua nwg tsaav tuabneeg hab nwg txuj kev taabcuab yuav nyob nrug tug kws tseem tsi tau paub nwg los nwg yuav hlub puab moog txug nub puab paub nwg.

Kev Thov Vaajtswv

Leejtxwv Vaajtswv tug zoo hab yog tug muaj fwjchim. Koj txujcai yog txuj tseeb, ncaajnceeg hab muaj nyob moog ibtxhis.  Koj ceev koj tej lug cogtseeg hab koj foom koobmoov rua koj haivneeg. Koj tuableeg xwb txhaj yog tug dlawbhuv. Kuv qhuas koj hab ua koj tsaug huv Yexus Khetos lub npe os Kuv tug TSWV. Amees.