July 29, 2024

July 29, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Yog le ntawd, nwgnuav mej yuavtsum muab Vaajtswv tej cuabyeej lug naav hab tuav. Yog mej ua le ntawd thaus dlaab Ntxwgnyoog lug tawmtsaam mej, mej txhaj yuav kovyeej. hab thaus tej kev tawmtsaam ntawd dlhau lawm, mej txhaj tseem yuav nyob ruaj nreeg le qub.”— Efexaus 6:13

Xaav Txug Tejlug Rua Nubnua

Rua qhov peb ua rog saab ntujplig, peb yuav tsum tau naav tej cuabyeej ua rog saab ntsujplig.  Tshaaj le peb tej kev thov Vaajswv txhua nub hab pheej nyeem Vaajswv txujlug txhua nub, peb yuav tsum ncu ntsoov tas muab Vaajtswv tej cuabyeej saab ntsujplig lug naav tivthaiv le Paulus muab nyob huv  (Efexaus 6:13-20).  Tej cuabyeej saab ntsujplig yog lug tivthaij peb saab ntsujplig kuas peb npaaj kev nrug saab ntsujplig sib tawmtsaam.  Peb yuav tsum npaaj tog txhua nub, tej kev peb tawmtsaam huv tej kws yog Vaajtswv txujlug hab ceev tuabzoo tej cuabyeej ntawd sub thaus peb tawmtsaam peb txhaj yuav yeej rua qhov peb paub tas, peb yeej yuav tau sis tua thaus twg los peb tsi paub.

Muaj ibnub txuj kev phem yuav lug txug. Kev phem yuav lug tawm tsaam peb lub sab lub nplawv. Yog le ca peb npaaj kuas txhij tog hab sawv khovkho kws yuav siv Vaajtswv tej cuabyeej hab fwjchim lug rua peb tawmtsaam txuj kev phem. 

Kev Thov Vaajtswv

Fwm txug Leejtxiv tug nyob sau Ceebtsheej, thov pub koj lub fwjchim rua kuv kws yog tug Ntsujplig Dlawbhuv  (Efexaus 3:14-21).  Kuv xaav kuas kuv muaj lub zug lug ntawm koj rua qhov koj yuav has sau ntsuabntug tuaj rua kuv. Thov txhawb kuv lub zug thov kuas kuv saab ntsujplig muaj zug yuav tawmtsaavm txuj kev phem kuas kuv yeej. Huv Yexus lubnpe, Kuv thov. Amees.