July 30, 2024

July 30, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Rua qhov peb yeej tsi tawmtsaam tuabneeg, tabsis peb tawmtsaam tej dlaab kws nyob sau nruabntug, tsi has cov thawjcoj, tej kws muaj fwjchim, hab tej fwjchim kws kaav tam tsausntuj nuav.”— Efexaus 6:12

Xaav Txug Tejlug Rua Nubnua

Thaus peb nyob rua huv tshaavrog! Peb sis tawmtsaam txhua nub, hab yaam kws peb tawmtsaam ntawd tsi yog muaj teebmeem nrug txujkev txhum hab kev sim sab.  Qhov tseeb yog peb tawmtsaav yaam kws yuav ua rua peb puamtsuaj, tabsis peb cov yeebncuab tub swb hab nwg cov timtswv tub sawv tsi nreg lawm. Ca peb ceev peb saab ntsujplig kuas ruaj kuas khov. Txawm yuav yog Yexus qha kuas peb thov Vaajtswv peb txhaj yuav kovyeej los, “thov koj tsi xob coj peb moog rua kev suavsim, tabsis coj peb kuas tawm dlhau huv txuj kev phem“ (Mathais 6:13). Yes, peb ua rog nrug txujkev phem — tawmtsaam nwg kev cigdlaag, hab qhov kws nwg npaaj tshuav kuas peb puamtsuaj. Txawm le ntawd los peb muaj kev ca sab rua huv koj os peb tug TSWV kws tub kovyeej txuj kev phem hab kovyeej lub nplajteb nuav lawm. (Yauhaas 16:33; Kaulauxais 2:15).

Kev Thov Vaajtswv

Tug Muaj Fwjchim hab tug Vaajntxwv kws muaj yeej rog, kuv qhuas koj rua qhov koj kovyeej kev txhum, kev tuag, hab kev phem rua peb. Koj pub kuas peb muaj yeej lug ua tug ncaajnceeg hab tsi muaj kev txhum lug ntawm koj muaj yeej kws koj muab  koj tug Tub tugkheej fij rua peb, kuas peb muaj yeej nrug koj. Ua tsaug os kuv tug Tswv hab Yexus Khetos! Amees.