July 31, 2024

July 31, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Ib yaam le ntawd, mej yuavtsum ncu ntsoov has tas, txujkev txhum tsi muaj fwjchim yuam mej lawm, rua qhov mej zoo le cov tuabneeg kws tuag lawm. Nwgnuav mej ua mej lub neej rua Vaajtswv tau ntsejmuag, rua qhov mej nrug Yexus Khetos koom ib txujsa.” Loos 6:11

Xaav Txug Tejlug Rua Nubnua

Tuabyaam nkaus le Yexus tuag rua txuj kev txhum, peb kuj tuag rua kev txhum lug ntawm peb kev ntseeg thaus lub sijhawm peb ua kevcai rausdlej.   Paulus has le nuav ua ntej rua peb has tas najnub nuav:  Kev tuag [Yexus] tuag, nwg tuag rua kev txhum ibzag rua txhua tug; tabsis txujsa muaj nyob, nwg nyob pub rua Vaajtswv (Loos 6:10). Peb yuav tsum tiv nrug Yexus qhov muaj yeej txuj kev tuag txhua nub huv peb lubneej.  Peb yuav tau pib peb lubneej txhua nub kuas muab peb tug kheej nyob pub rua Vaajtswv nrug peb muaj lub sab kws txaus sab hlos rua nwg tug dlejsab. Ca peb ceev nwg kev tuag hab faus yaav taaglug kuas peb ua lubneej nyob rua yaav pegsuab rua Vaajtswv, saib ntsoov rua ntawm Yexus hab nwg yaav pegsuab. 

Kev Thov Vaajtswv

Tug Tswv Cawmseej hab Leejtxiv tug muaj kev hlub.  Kuv xaav tau kuv lubneej dlhau lug tseem faus rua huv qhovntxaas hab kev tuag yaav dlhau lug.  thov pub fwjchim rua kuv kuas muaj lubsab npuv npos koj tug Ntsujplig hab qheb kuas kuv muaj lub neejtshab. Thov ua kuas kuv pum txug koj nyob huv kuv lubneej kuas kuv ua lub neej lawv le koj tug dlejsab. Huv Yexus lub npe, kuv thov tej nuav. Amees.