August 2, 2024

August 2, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Vaajtswv es, thov koj tshuaj saib kuv kuas koj paub kuv lub sab; thov kojsim kuv sab, hab nthuav tej kws kuv xaav saib zoo le caag. 24thov koj saib kuv lub sab saib puas muaj ib qhov txhum le caag hab thov koj coj kuv taug txujkev kws nyob ntev moog ibtxhis.”— Nkauj Qhuas Vaajtswv 139:23-24

Xaav Txug Tejlug Rua Nubnua

Vaajtswv yeej paub peb.  Peb yuav tsi laam has ib yaam dlaabtsi es peb yeej tsi tau nyob ntawd yog tas peb  tsi nyob ntawd. Nwg paub peb saabhuv hab saabnrau, thoob hab thoob plawg.  Tej nuav yog tej peb yuav tau has qhovtseeb hab ca qhovtseeb ntawd ua qhov cimxeeb kuas peb muaj kev phoojywg zoo tau nrug nwg, tabsis peb feemcoob peb yuav tau dlha moog kuas muaj kev phoojywg nrug nwg kws yog peb Leejtxiv tug nyob sau Ceebtsheej. Yog peb yeej xaav tau nwg tag, yuav ua rua peb ua tau lubneej le nwg, tuab txujkev kws peb ua tau ces yog ca nwg tug Ntsujplig Dlawbhuv hloov lug ntawm peb caw nwg lug nyob huv peb lubsab, cuab peb lubzug, hab qhov peb nyam ntawd kuas yog yaam kws hum Vaajtswv tug dlejsab.

Kev Thov Vaajtswv

O Vaajtswv, kuv paub koj yog tug kws “tshuaj kuv lub nplawv hab kuv kev xaav.” Rua qhov koj kev hlub huv Yexus, kuv ruajsab tau tas koj yeej hlub kuv. Kuv lub sab leeg tas, kuv tau ua kev txhum, tabsis  kuv cog lug rua kuv koj tas, kuv yuav muaj lub sab dlawbpaug teevtam koj, fwj hab qhuas koj.   Thov pub koj tug Ntsujplig lug rua kuv hab coj kuv kuas kuv yuav ua tau lubneej moog zoo zujzug le Yexus Khetos.  Huv koj tug Tub dlawbhuv kuv thov. Amees.