August 7, 2024

August 7, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Mej cale tso lub neej qub, hab mej tej dlejnum huv tuabsi tseg lug coj dlua txuj tshab, ib leeg ua ncaajnceeg rua ib leeg. Tsi xob pheej yuam lwm haiv tuabneeg, hab tej mivnyuas ntsuag, hab tej pujntsuag cai. Cale tseg tsi xob tua cov tuabneeg tsi tau ua txhum huv lub tebchaws nuav. hab tsi xob teevtam luas tej vaajtswv, rua qhov tej nuav yuav ua rua mej raug kev puamtsuaj. Yog mej coj txuj tshab, kuv yuav ca mej nyob huv lub tebchaws nuav moog ntxiv. lub tebchaws nuav yog lub kws kuv muab pub rua mej cov yawmkoob ua puab tug ibxhis hab moog ibtxhis. Yelemis 7:5-7

Xaav Txug Tejlug Rua Nubnua

Yaam peb coj hab ua yuav muab ntsuag tau lecaag txhaj le yog qhovtseeb kws peb muaj?  Nwg yuav tsi yog qhov peb ua “nyob huv lub tuamtsev” lossis qhov peb ua zoo le lwm tug ua tuabyaam nkaus.   Qhov tag ntawm peb tug xeebceem, peb lubneej yog pum nyob huv peb kev koom ua ke nrug peb Leejtxiv tug nyob sau ceebtsheej hab nwg tegnum kws cawm tug pluj lawm, novqaab hab qhov tub tu — lossis qhovtseeb huv txujlug, tug “tuabneeg txawv tebchaws”* hab “tug tsi muaj txiv” hab “tug pujntsuag” nruabnraab huv peb.  Thaus peb ua neej nyob rua peb tug kheej xwb hab tseg qhov “puas muaj” kws tsi muaj kev xyum ua kev hlub, kev ncaajnceeg, hab kev taabncuab ntawd kuj yog ib qhov peb tuncuas tsi muaj Vaajtswv nyob huv peb lub plawv. Qhov sibtws muaj qhov tseeb ntawm peb tug kheej yog peb tug kheej txuj kev hlub muaj rua lwm tug kws nyob puagcig pum tag peb ua tau.

Kev Thov Vaajtswv

Vaajtswv tug muajsa nyob, tug muaj fwjchim hab tug Tswv Cawmseej, thov zaam txim rua peb hab siv peb cov kws yog koj cov mivnyuas tug kws ua neej nyob lawv le koj tug yaamntxwv, koj kev ua sab ntev, hab txujkev hlub kws ncaajnceeg kuas lub nplajteb tau txais yaam zoo.  Txiv, Kuv thov txhwjxeeb thov koj siv kuv kuas yog koobmoov rua ibleeg ibtug kws nwg tseem xaav tau thaus lub sijhawm kws nwg ntsib teebmeem.  Huv Yexus lub npe, Kuv thov. Amees.