AUgust 13, 2024

August 13, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Ua le caag kuv yuav nyuaj sab ua luaj le! leejtwg txhaj le yuav paab tau kuas kuv dlim lub sab qub kws taabtom coj kuv moog raug kev pluj kev tuag nuav? Kuv ua Vaajtswv tsaug rua qhov peb tug tswv Yexus Khetos nwg paab tau kuv dlim. Kuv lub neej zoo le qhov kws kuv yuav has nuav! Kuv lub sab ua lawv le tej kws Vaajtswv kuas kuv ua, tabsis kuv lub cev ua lawv le tej kws txujkev txhum kuas kuv ua.”— Loo 7:24-25

Xaav Txug Tejlug Rua Nubnua

Peb lubcev yog txhaav plhaub maag nqaj plhaubtaub, peb tsi muaj zug hab kev txhum ua rua peb ua txhum. Tabsis, lug ntawm Vaajtswv kev hlub taabncuab peb huv Yexus Khetos  (Efexaus 2:1-10) hab nwg tau hloov peb lub ntawm tug Ntsujplig Dlawbhuv lub fwjchim (2 Kauleethaus  3:17-18), peb yaav pegsuab tsi yuav su rua huv peb lub cev kws yog luaj yog aav nuav, tabsis su huv Vaajtswv lub fwjchim ua rua peb zoo tag tag rua tug Tswv.  Yexus yog tug coj peb tawm hab tug Ntsujplig Dlawbhuv muaj lub zug rua peb — le Paulus tau npaaj qha rua peb nyob huv  Loos 8 — yog peb lubzug kuas peb muaj yeej!

Kev Thov Vaajtswv

Vaajtswv tug muaj Fwjchim lub kawgnkaus, kuv ua koj tsaug rua koj qhov khoom pub kws yog txujsa huv koj txuj kev tuag rua kuv lub cev kws txawj plujtuag. Ua koj tsaug kws koj coj kuv tawm huv lub qhovtuag rov lug muaj lub cev tshab kws yog lubcev kws ci ntsaa ab. Ua koj tsuag kws koj muab tug Ntsujplig Dlawvhuv lub fwjchim lug kuas kuv ua tau lubneej zoo le Yexus lub. Nwgnuav, Kuv Txiv, thov kuv lu lug, tegnum hab kev xaav lug ua rua kuv txawj ua tau taagnrho kuv lubneej tejnuab lug nrug koj moog. Huv Yexus lub npe. Kuv thov. Amees.