August 15, 2024

August 15, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Kuv qha tej nuav rua mej paub, kuas mej cov kws nrug kuv koom ib txujsa txhaj le yuav nyob kaajsab lug. Tuabneeg nplajteb yuav tsimtxom mej, tabsis mej yuavtsum ua sabtawv, rua qhov kuv tub kovyeej lub nplajteb lawm.”(Yauhaas 16:33)

Xaav Txug Tejlug Rua Nubnua

Tsi xob xaav ruam ruam tas tug ntseeg lubneej yuav tshaavntuj nrig hab yog lub paajtshab kws yuav tsi ntsws.  Nwg yuav muaj kev tsimtxom sabntsws hab Yexus has tas, “Huv lub nplajteb koj yuav muaj kev tsimtxom.” Yeej yuav muaj teebmeem lug raug rua koj lug ntawd kev tusab, nyuajsab, mobnkeeg, txomnyem, hab tsi tau lawv le lub sab xaav, ntawd tsi tau txhais tau has tas, yog muaj tej yaam xwm tsi zoo lug raug, nwg kuj yog qha rua koj paub meej tas, muaj lawv le Vaajtswv txujlug has tas tej ntawd muaj tseeb. Yog le ntawd, thaus koj raug kev sim lug ntawm xataas, koj yuav ua lecaag? koj yuav thov Vaajtswv, nyob ze Vaajtswv hab qhuas Vaajtswv.

Taagkig nuav kuv nyeem huv Phoo Ntawv Nkauj 4:1  Tug sau zaaj nkauj nuav has tas,  “Koj tau nthuav koj kev hlub rua kuv, thaus kws ntsib kev kubtxhuv” (KJV). Thaus twg yog thaus koj kev ntseeg luj hlub tshaaj —thaus koj tsi muaj teebmeem lossis thaus koj ntsib xwmtxheej? Tshaaj tej ntawd, tsi yog peb kev ntseeg luj hlub yog thaus muaj teebmeem lug tabsis ntawd yog peb kawm paub txug kev ua sab ntev tiv kuas peb kovyeej. Tsi yog peb yuav zoo sab kws peb raug tej ntawd, tabsis yog kev hlub kws nthuav luj lug txug peb.  Kev muaj yeej lug txug. Peb paub has tas, thaus peb lubcev nyob rua qhov kev kubtxhuv ntawd yog thaus peb nqaa saib peb muaj zug npaum lecaag yog peb yij nqaa kaab, yim yuav ua rua peb nqaa tau qhov nyaav hab thaus ntawd yuav ua rua peb muaj kaab tuaj.  Yog peb xaav tau ua tug ntseeg luj hlub, peb yuav tau totaub has tas, ntawd yog pib lug ntawm qhov peb totaub kev ua sab ntev tiv hab tej kev nyuaj ntawd yog kev sim nyob huv peb kev ntseeg. Tejnuav txhaj yog tej kws yuav ua rua peb kev ntseeg luj hlub hab ruaj khov kho.

Kev Thov Vaajtswv

Vaajtswv tug Dlawvhuv hab Ncaajnceeg, thov muab lub zug rua kuv kuas kuv kovyeej tej kev simsab hab tsiv tawm tau txuj kev txhum. Thov paab kuas kuv muaj lub sab ntev hab tawmtsaam lug ntawm Yexus tug kheej kws tau muab nwg tug kheej rua kuv. Thov pub kuas kuv muab lub sab nyob ze koj hab muab lub sab tivtaug rua kuv. Ua koj tsaug rua qhov koj muab rua kuv dlawbhuv hab ncaajnceg. Huv Yexus lub npe. Kuv thov, Amees.