August 17-18, 2024

August 17-18, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Yexus has tas, Ximoos, Ximoos es, koj ua tuabzoo noog kuv has! Vaajtswv tub tso cai rua Ntxwgnyoog lug sim mej txhua tug sab, ces cov tuabneeg sab phem hab cov tuabneeg sabzoo nyag nyob nyag, ib yaam le tug yaaj nplej muab vaab ntxuaj cov npluag tawm ntawm pawg nplej. Tabsis Ximoos es, kuv tub thov Vaajtswv paab koj lawm kuas koj muab sab rau ntseeg tsi xob tso tseg. thaus koj tig rov lug cuag kuv, koj yuavtsum txhawb koj cov kwvtij tug dlaag tug zug. 33Petus has rua Yexus has tas, “xwbfwb, txawm yog kuv yuav nrug koj raug kaw rua huv tsev lujcuj, lossis nrug koj tuag los, kuv yeej zoo sab! Yexus has rua Petus has tas, “Petus es, kuv qha rua koj has tas, Mo nuav thaus qab tsi tau qua koj yuav has peb zag has tas, koj tsi paub kuv.” Lukas 22:31-34

Xaav Txug Tejlug Rua Nubnua

Vim lecaag koj txhaj yaaj nplej? Kuas cov npluag tawm —Xataas yuav nrhav kev txhum huv mej lubneej lug lamtxim rua mej. Hab thaus kawg ntawm qhov lamtxim ntawd nwg txhaj lam tau? Thaus xaus yuav tau dlaabtsi yog has tas, nwg nrhav tau qhov kev lamtxim? Tsi xob ca xataas rau txim rua koj vim  tseem muaj kev cawm rua koj nubnuav lug ntawm nwg kev kubsab hlub thov Vaajtswv rua koj. Nwg xaav kuas koj tig rov lug cuag nwg. Yog le kev leegtxim yog yaam yuav tau ua.

Vaajtswv txujlug has tas, “Nwg kubsab lug thov Vaajtswv paab rua mej” (Henplais 7:25). Hab tawm yog yuav zoo yaam nkaus le Ximoos Petus, koj yeej ua tsi tau —tabsis thaus tug lauvqab qua yog lug tshaab xus tas kev rausntuj yuav lug txug Ximoos Petus. Txawm yuav yog nwg tsi noog Vaajtswv lug los, Vaajtswv tseem ncu txug nwg. Vaajtswv xaav pum Petus thaus muaj tej kev sim ntawd lug txug nwg.

Kev Thov Vaajtswv

Vaajtswv tug Dlawbhuv, ua koj tsaug rua qhov koj has rua kuv lug ntawm cov cev Koj lug hab Txujlug Dlawbhuv. Tabsis kuv Txiv, kuv ua koj tsaug vim koj qha kuv kuas kuv pum hab ua tau lubneej nyob tau rua huv koj. Thov coj kuv, qha kuv, hab ua kuv tug Cawmseej moog ib txhis le. Kuv qhuas koj hab thov huv Yexus lub npe. Amees.