August 19, 2024

August 19, 2024
Nubnuav Nyeem-Kawm Vaajtswv Txujlug

Nqailug Rua Nubnua

[“Ca sab rua tug Tswv hab ua tej yaam zoo; yog mej ua le ntawd, mej yuav nyob tso sab plhuav huv lub tebchaws ntawd. Yog mej xaav tau zoo nyob kaajsab lug, mej cale lug cuag tug Tswv hab nwg yuav pub rua mej lawv le mej lub sab xaav yuav. Mej cale muab mej lub cev lub sab lub ntsws huv tuabsi pub rua tug Tswv kaav; mej cale ca sab rua nwg, nwg txhaj yuav paab mej.”] Phoo Nkauj 37:3-5

Xaav Txug Tejlug Rua Nubnua

Koj puas tau xaav txug kev nyuaj sab lug paub txug koj lubneej nyob huv Vaajtswv?  Pev txug le tas, kuv lug tsev thaus kuv cov mivnyuas tseem yau hab pum puab nyob rua tim kaumtsev ywg ywg hab ua ibcev tsheenyos. Kuv nug tas, “ua caag mej ua le kos?” hab puab has tas, “Txiv”,  peb txhawj tas tsaam pigkig peb yuav tsi muaj zaub mov noj. Peb txhawj txug tas tsaam peb tsuas yuav ho tsi muaj txaajchaws rua peb pw.  Peb tsuas ho yuav tsi muaj ntsoogtsho lug naav.  Ua caag puab yuav xaav txug tas ntshais kuv yuav paab tsi tau puab? Kuv tsuas yog tuabneeg xwb, tejzag kuv yuav paab tsi tau puab tej thaus puab xaav tau ntawm kuv.  Tabsis tej nuav kuv yuav tsi tau xaav txug ntshais yuav tsi yog ib qhov teebmeem kws Vaajtswv yuav ua tsi tau.  Nyuajsab yog ib txuj kev kws has tas, “kuv tsi ntseeg has tas ntshais Vaajtswv yuav ua tsi tau rua kuv.”

Huv nkauj qhuas Vaajtswv, Daviv has tas, “txij thaus kuv yau lug txug thaus kuv laug nkoog le najnub nwgnuav, kuv yeej ibtxwm tsi tau pum tug Tswv muab ib tug tuabneeg zoo twg tso povtseg lossis ca tug ntawd tej mivnyuas moog thov khawv noj.” (Phoo Nkauj 37:25). Vaajtswv txujlug pheej rov has taag los has dlua tas, tsi xob txhawj.  Ntawd yog ib qhov kws Vaajtswv tau has, tabsis ntawd tsuas yog peb yuav ua lecaag? xaav txug Vaajtswv, tsi yog peb tsuas yog tej lug has tas, tabsis peb muaj Vaajtswv qhov qauv hab lub fwjchim.   Ca kuv muab Vaajtswv dlaim ntawv qauv qha rua koj tas Vaajtswv yuav foom koobmoov rua koj. Yaam peb sibthaas tsi yog yaam kws yuav dlaws tau peb teebmeem. Peb yuav tsum muaj kev tsosab rua tug Tswv thaus tej kws peb ntshaws ntawd yog tej nws tub yuav lamsim. Saib huv Phoo Ntawv Nkauj 37:3, “mej yuavtsum tso sab rua tug Tswv hab ua yaam zoo; yog mej ua le ntawd, mej yuav nyob tso sab plhuav huv lub tebchaws ntawd.” Lu lug Henplais has tas Casab yog tug caag kws muaj lub namtswv yim kws muaj lub zeemmuag lug txhawb.  Tso sab plhuav taagnrho rua huv tug Tswv, hab mej yuav tau txais koobmoov. 

Kev Thov Vaajtswv

Tug Tswv Vaajtswv muaj Fwjchim, tug yog lub hauvpaug hab yog lubntsis, tug kws has tas, Kuv yog, peb ua koj tsaug rua qhov koj yog tug muab txhua txhua rua peb tsi zoo le tuabneeg nplajteb muab.  Thov tsaa kuv lub plawv kuas kuv tsimndleev rua tej yaam kws yuav nyob moog ibtxhis hab qheb kuv lub qhovmuag pum txug yaam kws koj muaj. Huv Yexus lub npe, Kuv thov. Amees.