Your cart is currently empty!
September 18, 2024
Nubnuav Nyeem-Kawm Vaajtswv Txujlug
September 18, 2024
“yog koj lub ncauj leeg has tas, tug Tswv Yexus yog tug Tswv hab ntseeg huv koj lub nplawv tas, Vaajtswv tau tsaa Nwg huv kev tuag lug, koj yuav dlim, vim qhov peb ntseeg, Vaajtswv txhaj le coj peb lug nrug Vaajtswv sis raug zoo; tub yog vim peb leeg, peb txhaj le dlim txim. Muaj lug sau ca rua huv Txujlug has tas, “txhua tug kws ntseeg nwg, yeej yuav tsi taag kev ca sab”
Xaav Txug Tejlug Rua Nubnua
Thaus kuv ua xibfwb kuv nov txug ib tug txwjlaug has tas, nwg muaj ib tug phoojywg muaj nyajtxag, tabsis tsi yuav pib nyoojhoom. Tug txivneej nuav nwg yeej muaj nyaj ntau txaus nwg yuav pib moog qhovtwg los tau tabsis nwg tsi xaav poob ibnpib ibxus. Nwg nyam moog rua nua rua u, tabsis nwg ibtxwm tsaav tsheb moog xwb. Muaj ib nub kuv has rua nwg, “Kwvtij, koj yuav tau yuav pib nyoojhoom yaa moog.” Nwg teb tas, “qhov tseeb, kuv yeej paub tas, lub nyoojhoom yeej yaa tau, tabsis kuv tsi muaj cuabkaaj yuav nkaag moog rua huv, kuv yeej tsi kab ua le ntawd.” Yog le nwg moog qhovtwg los nwg txhaj pheej tsaav tsheb.
Tabsis muaj ibnub, nwg has tas, “Kuv tub laug lawm. txhua leej txhua tug puavleej yuav pib moog. Kuv yuav tau yuav pib.” Hab nwg txhaj moog yuav tau ib dlaim pib hab nkaag moog rua huv nyoojhoom, hab nwg khawm txujhlaabsa ntawm nwg tug kheej. Nwg txawv lecaag? Ua ntej, nwg ntseeg has txug lub nyoojhoom yaa tau; thaus nwg nkaag moog rua huv, nwg ntseeg txug tas ua lecaag los lub nyoojhoom yaa tau hab yuav yaa moog txug qhov nwg moog ntawd. Qhov koj ntseeg tug Tswv Yexus Khetos nes tseemceeb npaum lecaag? ntawd txhais tau has tas lug ntawm Yexus koj yuav moog txug Ceebtsheej vim koj cog lug rua koj tug kheej rua Yexus Khetos. Coglug koj tug kheej rua Nwg, lug ntawm kev ntseeg, hab koj txhaj yuav dlim vim nwg paab tug tuabneeg txhum hab Nwg yog tug tuabneeg txhum tug Tswv cawmseej.
Vaajtswv, kuv thov koj qheb tug tuabneeg kws kuv yuav qha kev ntseeg rua nwg lub sab. Thov kuas thaus kuv qha lawm nwg paub qhovtseeb vim lecaag kev ntseeg txhaj tseemceeb hab cawm tau nwg thaus nwg lug ntseeg Yexus lawm. Kuv thov huv Yexus lub npe. Amees.