Hmong Baptist National Association

September 20, 2024

—

by

HBNA Editor
in

Nubnuav Nyeem-Kawm Vaajtswv Txujlug

September 20, 2024

 

[Vaajtswv cov tuabneeg sawvnntsug hab pehawm nwg, has tas:]  “tug Tswv es, koj tuab leeg yog tug Tswv; koj yog tug kws tsim ntuj, hab tej nubqub sau nruabntug. Koj yog tug tsim  nplajteb, tsim havtxwv, hab ib puastsaav yaam huv nplajteb hab huv havtxwv. Koj pub txhua yaam tsaav muajsa huv tuabsi. Ib puas tsaav yaam muaj fwjchim sau ceebtsheej, puavleej txhuscaug pehawm koj.”

— Nehemis 9:6

 

Xaav Txug Tejlug Rua Nubnua

Vaajtswv yog tug Tsim! Txujsa yog has txug nwg hab lug ntawm nwg.  Muaj quastxheeb quasvaam leej sau ceebtsheej pehawm hab qhuas tug Tswv rua qhov nws yog tug muaj fwjchim hab kev hlub. Rua kuv, nwg kuj muaj obqhov tseemceeb.

  1. Kuv yuav muab kuv lub plawv lug pehawm hab qhuas nwg.
  2. Thaus kuv qhuas Vaajtswv, kuv taabtom ua ibyaam kws nyob moog ibtxhis hab koom nrug cov timtswv sau ceebtsheej pehawm tug Tswv!

Koj hab kuv yuav tsi coj dlaabtsi ntau huv lub neej nuav moog, tabsis ntawm tej yaam ntawd yog peb qhuas rua peb tug Vaajtswv hab Txiv. Qhuas rua tug Vaajtswv, tsi yog taamsim nuav, tabsis moog ibtxhab ibtxhis tsi muaj xaus!

Thov Vaajtswv

Vaajtswv, ua koj tsaug rua qhov koj tsim ib puas tsaavyaam. Ua tug Tswv tug muaj Fwjchim luj kawgnkaus tsaug rua qhov koj tsim txujsa kws thev taug moog ibtxhis. Kuv saib ntsoov tog tsi taug txug nub kws yuav pum koj timntsej timmuag hab qhuas koj nrug cov timtswv quastxheeb quasvaam leej sau ceebtsheej. Huv Yexus lub npe, Kuv qhuas. Amees