September 25, 2024

Nubnuav Nyeem-Kawm Vaajtswv Txujlug

September 25, 2024

“Cov tuabneeg kws taug kev tsausntuj nti, puab puavleej pum dluab ci ntsaa ab. Puab nyob huv lub tebchaws tsausntuj nti, nwgnuav tshaavntuj ci kaajnrig rua puab. “— Yaxayas 9:2

Xaav Txug Tejlug Rua Nubnua

Vaajtswv ua tavlog rua tej lug cogtseg rua tug cevlug Yaxayas txug tug yuav lug yaav tomntej Yauhaas tug muab tuabneeg ua kevcai rausdlej hab Yexus  (Mathais 4:15-16; Luka 1:76-79). Yexus lug le yog qhovkaaj rua nplajteb (Yauhaas 9:5) lug tshem qhovtsaus ntawm Xataas, kev phem hab ntxwgnyoog kev tuag (Yauhaas 12:31). Yog le, yog kev tsausntuj lug rua mo nuav, koj yuav nrhav rua txujkev kws luas muaj teeb hab kuas koj ncu ob yaam txhua zag kws koj pum muaj qhovci:

1.       Ua Vaajtswv tsaug kws xaa nwg qhov ci, Yexus, lug tshem qhov tsaus tawm .

2.      Cog lug hab qha lubteeb pum kev nrug cov tuabneeg kws nyob qhovtsaus ntawd kuas pum tas tseem muaj qhov kaaj kws nwg tsi pum nyob huv Yexus.

Thov Vaajtswv

Txujkev hlub hab tug Vaajtswv kws muajsa nyob, ua koj tsaug rua koj qhovci kws yog lubteeb ci rua huv kuv lub sab lug ntawm Yexus (2 Kauleethaus 4:6). Kuv thov koj os Txiv, thov tug Ntsujplig Dlawbhuv lug paab hab siv kuas kuv tej lug hab tegnum ua koobmoov tau rua cov tuabneeg kws nyog puagcig kuv. Kuv xaav kuas puab pum Lubteeb huv koj kev hlub hab kev cawm huv Yexus. Thov pub kuas kuv pum qhov kev casab huv nwg hab huv koj tug Tub, Koj kev Cawm. Yog le kuv thov huv Yexus lub npe, kuv ca sab has tas, tej nuav yuav paab tau lwm tug kuas pum txug koj lubteeb tseem yuav ci rua puab pum kev. Amees