September 26, 2024

Nubnuav Nyeem-Kawm Vaajtswv Txujlug

September 26, 2024

[Yexus] txawm peb qha rua [nwg cov thwjtim] “Neeg Leejtub yeej yuav raug kev txomnyem. Cov txwjlaug, cov povthawj hlub, hab cov xwbfwb kws qha Vaajtswv txuj Kevcai yuav tsi yuav nwg. Puab yuav muab nwg tua povtseg, tabsis tomqaab ntawd peb nub Vaajtswv yuav tsaa nwg sawv huv qhovtuag lug.”— Malakaus 8:31

Xaav Txug Tejlug Rua Nubnua

Paub Yexus yog Vaajtswv tug Mexiyas kuj yog ib yaam.   Ntseeg Yexus tas yog peb tug Tswv yog dlua lwm yaam. Muab peb kev xaav, lub nplawv, hab txujsa nrug Yexus yog ib txuj kev sis twg.  Txij thaus Yexus cov thwjtim leeg nrug nwg moog le yog tug Khetos,  nwg paub nwg tau qha puab txug txujkev tseeb moog rua qhov zoo.  Tej phoo huv Txujmoo Zoo ua kev ceebtoom peb txuj kev coj moog ntsib kev phomsij sau khaublig ua ntej coj moog txug lub mom yeebkoob kws muaj fwvxyeej.  Pawgntseeg chivthawj muaj ib zaaj nkauj ua qhov qha rua peb txug, yuav tsum taug tuab txujkev kws yog sau khaublig kws yog peb tug Cawmseej hab tug Tswv tau taug (saib Filippis 2:5-11). Peb yog cov tuabneeg qaumntuj, tabsis peb tseem ua neej nyob nrug txujkev kws muaj pobzeb pobcaas hab ce roob ce haav kws yog Xataas kev sim hab tawmtsaam kuas yeej peb. Peb tug Cawmseej, txawm  yog, peb tau taug moog txujkev nyuaj nuav. Nwg yog tug muab kev ceebtoom sau khaublig kws yog coj peb moog huv peb tug Tswv lub fwvxyeej!

Thov Vaajtswv

Fwm txug Txiv, kuv paub coob tug ntseeg tseem muaj teebmeem txug qhov muaj sab dlawbpaug ntseeg Yexus.  Thov koj pub lub zug luj hab txhawb kuas puab ua sab ntev. Thov siv kuv kuas kuv txhawb tau puab hab paab puab tawm tau ntawm qhov kev tsausntuj kws puab tseem ua lubneej nyob huv kev tsausntuj nti. Thov ca kuv lubneej hab kuv cov lug taws puab rua ntawm Yexus.  Txhwjxeeb yog cov tuabneeg kws tseem muaj kev covpob huv puab lubneej, thov koj foom koobmoov rua puab. Huv Yexus lub npe. Kuv thov. Amees.