September 30, 2024

Nubnuav Nyeem-Kawm Vaajtswv Txujlug

September 30, 2024

“Koj yuavtsum ua tuab zoo saib tej kws koj cim ca rua nruabplawv, tej ntawd yuav ua rua koj paub coj koj lub neej lawv le. Tsi xob has tej lug tsi tseeb, tsi xob has lug dlaag, hab tej lug ntxeev ntxag luas. Koj cale saib ntsoov rua koj txuj hauv kev; tsi xob xaam nuav xaam u.” Paajlug 4:23-25

Xaav Txug Tejlug Rua Nubnua

Thaus koj moog rua tom tshaav nyoojhoom koj yuav nkaag moog rua qhovchaws yaa, koj yuav tau nkaag moog rua ntawm lub qhovrooj kws luas tshuaj koj tug kheej ua ntej koj yuav moog rua lub qhovtooj es nces moog rua huv lub nyoojhoom.  Ntawd lub qhovrooj, ua ntej koj yuav hlaa moog dlhau lub qhovrooj kws luas tshuaj mas koj yuav tau rhu koj tej khoom ntawm koj tej rigtsho, hle khau, hlaabtawv, hab rhu foom tawm tso rua ib lub taig luas le pub koj nkaag moog dlhau lub qhovrooj ntawd. Yog thaus koj nkaag moog tsua muaj tswb nrov luas yuav nug koj tas “koj txaav thaubqaab lug tso?  Koj puas muaj ibyaam dlaabtsi nrug koj huv koj tej naabrig naabtsho?” Koj sim nkaag dlua, tabsis nwg tsuas ho tsi rov lawm. Tes koj txawm tawm dlhau qhovrooj rua saabtom luas tseem has rua koj tas txaav lug ntawm nuav hab luas tseem xuas yog tsi xaav lecaag kuas luas yuav lug plhw koj tej rigtsho saib koj puas muaj tej khoom zais. 

Kuv xaav kuas koj muab tej yaam kws luas txwv tsi pub nqaa moog tso rua ntawm lub rooj koj txhaj tsi muaj txim. Tomqaab kuv qhuabqha, koj npaaj yuav tawm, nwg has tas, “koj tseem tsi tau npaajtxhij.  Koj tseem muaj dlaabtsi koj yuav tau leeg rua Nwg.”  Koj yuav tsum muab tej yaam kws koj paub tas luas yuav kuaj tau huv koj tej kev xaav, hab tej yaam ntawd yog tej yaam kws yuav ua rua Vaajtswv tsi txaus rua koj coj nkaag moog tau Vaajtswv lub tebchaws.

Xyuam xim rua tug Tswv Yexus. Tsi xob pub dlaab coj koj lub plawv kws koj tub muab rua tug Tswv Yexus Khetos lawm tawm. Nyob tsawv huv Nwg txuj kev hlub hab tsi xob muaj nchaav seem rua tej kev phem kevqas, kev nruj kev tsiv, kev tsi zoo, kev khaavtheeb khaavtxiv kws tawm tsaam peb txhua tug.

Thov Vaajtswv

Tug Tswv tug muaj fwjchim luj kawgnkaus hab Leejtxiv Anpa, peb qhuas koj! Thov koj paab kuas peb tsi xob muaj lub sab txaav tawm ntawm koj txuj kev hlub. Thov peb hab qha rua peb lub plawv lug ntawm koj tug Ntsujplig Dlawbhuv hab huv koj txujlug tseeb. Peb muab peb sab lub plawv rua koj hab tognroov yuav noog koj lug hab nrug Yexus kws yog peb tug Tswv hab tug Cawmseej moog. Huv koj lub npe, peb thov. Amees.