October 17, 2024

Nubnuav Nyeem-Kawm Vaajtswv Txujlug

October 17, 2024

“Kuv hab puab puavleej ca sab ib yaam nkaus hastas, Vaajtswv yuav tsaa cov tuabneeg kws tuag lawm txhua tug sawv huv qhovtuag rov qaab lug, tsi has cov tuabneeg phem cov tuabneeg zoo huv tuabsi. Yog le ntawd, kuv txhaj muab sab rau ua zoo kuas hum Vaajtswv sab hab hum neeg sab.” Tegnum 24:15-16

 Xaav Txug Tejlug Rua Nubnua

Yog koj xaav ua tau ib tug tuabneeg zoo taabmeeg rua nwg Vaajtswv hab tuabneeg, koj yuav tau rov qaab lug nug koj tas koj tseem muaj tej yaam kev txhum dlaabtsi kws koj tseem tsi tau leeg qha rua Vaajtswv taag huv koj lub plawv. Nqai lug nub ntxiv koj puas tau muaj kev tsi sis hum xeeb nrug ua koj cov kwjtim, lossis cov muam ib leeg ibtug twg. Kuv tsi has txug yaam kws puab ua rua koj; kuv taabtom has txug yaam kws koj tau ua rua puab.  Koj puas tau tawmtsaa hab chim rua ibleg ibtug twg? Yog muaj, koj yuav tau nrug puab thaam kuas sis nkaagsab txug yaam kev txhum hab koj leeg yaam ntawd rua Vaajtswv-Leegtxiv hab tig moog ua zoo kuas rov muaj kev sis raug oo nrug Nwg hab nrug tug kws koj tau nrug sis tawmtsaam.

Thov Vaajtswv

Vaajtswv tug muaj kev hlub, ua koj tsaug, koj yog tug muab koj tugkheej lug ua tug Cawmseej. Kuv qhuas koj, kuv fwm koj txhawb nqaa koj lub koobmeej os Txiv tug nyob sau lub zwmtxiv hab Yexus nyob ntawm koj saabxis. Kuv muab lug qhuas koj hab ua koj tsaub huv Yexus lub npe, Amees