November 5, 2024

Nubnuav Nyeem-Kawm Vaajtswv Txujlug

November 5, 2024 

“Ib yaam nkaus le ntawd, Yexus Khetos muab nwg lub cev pub rua Vaajtswv tuab zag xwb ris tau ntau leej lub txim. Nwg yuav rov qaab lug dlua ib zag. Zag nuav tsi yog nwg lug theej tuabneeg lub txhoj lawm, tabsis nwg lug cawm cov tuabneeg kws taabtom tog nwg kuas puab dlim plawg puab lub txim.” — Henplais 9:28

Xaav Txug Tejlug Rua Nubnua

Koj yuav tau paub txug! Yexus yuav rov lug dlua! Koj puas npaaj txhij? Koj puas tog nwg? Koj puas ua sab ntev tog? Kuv ca sab tas nyaj koj yuav ua sab ntev tog nwg lug cawm vim nwg yog tug Tswv tug muaj fwjchim hab koj yuav ua sab ntev hab uv tog nub nwg rov lug (Loos 8:19, 23; 1 Kauleethaus 1:7; Kalatias 5:5). Tuabyaam le Paulus has nyob huv phoo Filipis:

“Peb yog tuabneeg qauntuj, peb najnub ua sab ntev tog peb tug Cawmseej kws yuav lug sau ceebtsheej lug. tug ntawd yog peb tug Tswv Yexus Khetos. 21Nwg yuav muab peb lub cev kws txawj mob txawj tuag nuav hloov ua ib lub tshab kuas zoo le nwg lub cev kws muaj fwjchim ci ntsaa ab. Nwg ua tau le ntawd rua qhov nwg muaj fwjchim muab ib puas tsaav yaam huv tuabsi lug rua nwg kaav.  (Filipis 3:20-21).

Thov Vaajtswv

O lug os tug Tswv Yexus! Koj tug nkaujnyaab tog koj!  Koj yog tug kws tau koobmeej, nwgnuav hab pegsuab moog ibtxhis. Amees.