November 23-24, 2024

Nubnuav Nyeem-Kawm Vaajtswv Txujlug

“Peb muaj cai ua ib puas tsaav yaam.” — tabsis tsi yog txhua yaam kws mej ua yuav muaj nqes. Mej has tas, “Peb muaj cai ua ib puas tsaav yaam tsi muaj leejtwg txwv peb,” tabsis tej kws mej ua ntawd tsi yog txhua yaam yuav paab tau mej. Mej tsi xob ua le tug kws nwg tsuas xaam pum nwg xwb, nwg tsi xaam pum luas lwm tug.”— 1 Kauleethaus 10:23-24

Xaav Txug Tejlug Rua Nubnua

Kev ywjpheej yog ibyaam khoom pub kws zoo! Kev ywjpheej huv Yexus Khetso yog ibyaam tseemceeb tshaaj le lwm yaav kev ywjpheej. Vaajtswv muab rua peb kuas peb muaj kev casab. Tabsis peb kuj tsi xaav tau peb kev ywjpheej kws Vaajtswv muab rua peb tshuamtshem lwm tug lossis ua kev puastsuaj rua lwm tug kev ntseeg. Peb tsi xaav ca peb kev ywjpheej kws peb muaj lug ua rua lwm tug ua txhum lossis nplaam kev hlub ntawm Yexus Khetos. Yog le ntawd ca peb siv peb kev ywjpheej kuas zoo hab cawm tau lwm tug — ca siv rua yaam zoo kws yuav paab tau lwm tug tsi yog yuav tshuavtshem lwm tug!

Thov Vaajtswv

Vaajtsw tug tseemceeb hab Txiv tug muaj meejmom sab, ua koj tsaug rua koj muab ntau yaam khoom ua koobmoov lug rua peb lubneej kws yog peb yog cov lug nrug Yexus moog. Tshwjxeeb yog peb ua koj tsaug rua koj qhov kev ywjpheej kws muaj nyob huv Yexus. Thov koj pub fwjchim rua kuas muaj txuj kev ywjpheej kuas muaj txajntsig rua lwm tug hab ua koob ua moov rua lwm tug. Thov paab peb pum txug le yog tegnum kws koj muab rua peb ua nyob lub nplajteb hab coj peb moog ua tau tegnum kws yog peb siv koj kev ywjpheej moog rua lwm tug kuas tau txais kev ywjpheej lug ntawm peb tugkheej. Huv Yexus lub npe, peb thov. Amees.