Hmong Baptist National Association

November 25, 2024

—

by

HBNA Editor
in

Nubnuav Nyeem-Kawm Vaajtswv Txujlug

November 25, 2024 

“Nwg yog tug mej ua nwg tsaug; nwg yog mej tug Vaajtswv. mej lub qhovmuag tub pum kag tej xwm tseemceeb kws nwg ua rua mej pum lawm.” — Kevcai 10:21

 

 Xaav Txug Tejlug Rua Nubnua

Vaajtswv yog tug peb qhuas! Tug Vaajtswv kws muaj feem huv Havntxwv Lab hab muab mov Mana rua cov Ixayees thaus nyob tom tajzeb suabpuas tau noj hab kuj yog tug Vaajtswv ua tau ib puas tsaavyaam txhwjxeeb rua peb hab nyob huv peb — nwg yog tug tig peb lub sab twmzeem moog ua lub sab ua tau le nwg lub sab nyam, tig peb lubneej moog ua lubneej kws yuav nyob moog ibtxhis huv Vaajtswv, hab tig peb txuj kev xaav lug ntawm tug Ntsujplig Dlawbhuv tegnum nyob huv peb kuas peb ua tau lubneej zoo le Yexus!  Tomnqaab nwg muab txhua yaam zoo rua huv peb hab rua peb, Vaajtswv muaj qhov khoom pub hab muab rua peb huv peb lub sab kuas peb ua. Nwg yog tug peb qhuas, hab nwg yog tug tsimnyog rua txuj kev qhuas. Nwg yog tuabtug kws peb pehawm rua qhov nwg yog tuabtug  kws txhaj yog tug peb tsimnyog pehawm hab qhuas!

Thov Vaajtswv

Koj yog tug tsimnyog qhuas,  Abba Txiv, tug muaj fwjchim, tug tsimnyog qhuas hab fwm. Koj tau ua tav yaam zoo kawgnkaus hab tegnum kws muaj fwjchim keebkwm huv koj tsaav tuabneeg, Ixayees—yog tug kws txhua txhua nub tuabneeg yuav tsum qhuas hab txhawbnqaa koj tegnum. Ua koj tsaug kws koj siv peb ua koj tegnum huv peb lub nplajteb nubnua. Peb qhuas koj, os Leejtxiv. Kws koj siv peb ua koj tegnum kws yuav nyob moog ibtxhis. Huv lub npe Yexus, peb tug Vaajntxwv, Kuv thov.. Amees.