December 11, 2024

Nubnuav Nyeem-Kawm Vaajtswv Txujlug

December 11, 2024 

“Huv tug Tswv, txawm yog le caag los puamchawj, peb cov ntseeg tsi has quaspuj txivneej los, peb ib leeg yeej yuav vaam ib leeg..”— 1 Kauleethaus  11:11

 Xaav Txug Tejlug Rua Nubnua

“Peb txhua tug yog ib huv Yexus Khetos!” Paulus tau has rua cov tuabneeg Kalatias (Kalatias 3:26-29). Xataas, yeej sim ntxag kuas Vaajtswv tsevneeg sis faib. Ib yaam tseemceeb tshaaj lwm yaam huv tuabneeg kws pum txug kev sis cais ntawd yog txivneej hab quaspuj — tsi has nyob huv lubcuab lubyig lossis huv pawgntseeg. Paulus ceebtoom tas yog peb muaj Tswv Yexus yog peb tug Tswv, peb yuav ncu tau tas peb yeej ibleeg vaam khom ibleeg tsi has txivneej lossis quaspuj. Peb suav has tas peb txhua tug ib leeg yeej muaj nqe rua ibleeg.  Tsi kaam leeg tso Xataas faib peb tawm kuas peb ibleeg pum ibleeg txawv ibleeg, peb xaiv qhov kuas peb ua tau ib huv peb tug Tswv Cawmseej, peb ntau nqe tuabyaam tsi has quaspuj hab txivneej, hab peb siv txhua tug ua nwg teg dlejnum!

Thov Vaajtswv

Vaajtswv tug Dlawbhuv, huv koj tug yaamntxiv, kuv raug tsim lug zoo koj, thov pub kuas kuv pum tas kuv muaj txajntsig heev rua lwm tug hab lwm tug muaj txajntsig heev rua kuv tuabyaam nkaus. Yog le ntawd thov paab kuv, os Txiv. Kuv tsi xaav ca peb pheej muaj kev sis cais ua paab ua pawg.  Thov pub lub qhovmuag, lub plawv, hab cov lug ntawm Yexus kuas yog koobmoov hab muaj nqe rua lwm tug vim koj yog kuv tug Cawmseej tau ua haujlwm nyob huv kuv. Huv Yexus lub npe, Yexus kuv tug Cawmseej, kuv thov. Amees.