January 7, 2025

Nubnuav Nyeem-Kawm Vaajtswv Txujlug

January 7, 2025 

“Petus pib qha puab has tas, “Nwgnuav kuv paub tseeb has tas, Vaajtswv tsi xaiv leejtwg ntsejmuag. Txhua tug kws fwm Vaajtswv hab ua hum Vaajtswv sab Vaajtswv yuav txhua tug huv tuabsi, txawm yog puab yog haiv tuabneeg twg los puam chawj. Mej tub paub tej lug kws Vaajtswv kuas Yexus Khetos tug kws yog ib puas tsaav yaam tug Tswv qha rua ib tsoom tuabneeg Ixayees lawm. txujlug ntawd has txug txujmoo zoo kws Vaajtswv qheb kev rua tuabneeg lug nrug Vaajtswv sis raug zoo.’” Tegnum 10:34-36

 Xaav Txug Tejlug Rua Nubnua

Peb tub nyob lug tau le ib limtam hab ib ntsaab tawm rua lub xyoo tshab lawm.  Koj nyob le caag rua tej yaam kws koj hloov ua, kev coglug, hab kev npaaj ua rua lub xyoo nuav?  Tsi xob muab tso tseg lossis tsi xaav ua tej kws koj tub npaaj tseg lawm,  txawm yog koj muaj teebmeem txug kev yuav ua tej ntawd. Kuas koj ncu txug tas tsuas muaj tuabyaam kws yuav ua rua lub xyoo nuav. Thov Vaajtswv saib nwg xaav kuas koj moog hab xaav kuas koj ua dlaabtsi, tes ca le moog hab ua yaam ntawd. Ca peb thov tug Tswv tug Ntsujplig Dlawbhuv hab lug coj peb txhua kaujruam!

Thov Vaajtswv

Vaajtswv tug Dlawbhuv, tug Tswv tug muaj Meejmom sab, kuv Anpanpa Txiv, ua koj tsaug kws koj yog tug zoo kawg nkaus, tug dlawbhuv, hab tug muaj fwjchim. Ua koj tsaug kws koj muaj lub sab ntev rua kuv, kuv lubneej, kuv kev txavxim, hab kev tej teebmeem. Thov qha coj kuv lug ntawm koj tug Ntsujplig Dlawbhuv kuas kuv pum hab nkaagsab koj txuj kev huv kuv lubneej. Kuv thov kuas koj yog tug coj kuv txhua kaujruam kws kuv rhais. Huv Yexus lub npe, Kuv thov. Amees.