January 13, 2025

Nubnuav Nyeem-Kawm Vaajtswv Txujlug

January 13, 2025 

“Mej yuavtsum ncu ntsoov hastas, tug tswV yog Vaajtswv; nwg yog tug tsim peb, hab peb yog nwg tug, peb yog nwg haiv tuabneeg, hab peb yog nwg paab yaaj.”— Ntawv Nkauj 100:3

 Xaav Txug Tejlug Rua Nubnua

Vaajtswv tsim peb hab paub peb thaus lub sijhawm peb tsi pum peb nyob huv nam lub tsev mivnyuas. Nwg tsim peb lug ntawm nwg kev hlub peb, hab muab ib lub homphaj rua peb ua neej, nwg cog lug tseg has tas nwg yuav nrug peb nyob hab yuav nrug peb moog txhua txhua kaujruam huv peb lubneej.  (Ntawv Nkauj 139:1-18). Vaajtswv ua rua peb ntau tshaaj le peb paub hab ua tau, hab yog tug Tswvyug yaaj kws zoo tshaaj le txhua tug tswv yugyaaj.  Ca peb ua lubneej wsv peb muaj tug Coj, tug Tsim, tug Tswvyug yaaj hab tug Vaajntxwv, hab yog tug paub txhua yaam kws peb ua kuas peb ua tau lubneej ua tau tug xeebceem zoo, qha nwg kev hlub, hab muab nwg kev zaam txim nthuav qha rua lwm tug kuas tau txais. Ca peb qhuas rua lwm tug pum tas peb yog Vaajtswv cov tuabneeg hab peb kawm paub kev ua zoo rua lwm tug lug ntawm peb ua tuabneeg kws muaj lub sab mogmuas le tug Tswv Yugyaam zoo!. 

Thov Vaajtswv

Kuv ua Vaajtswv tsaug tsi txawj taag le os kuv tug Tswv, vim koj yog kuv tug Tswvyug yaaj, hab yog Leejtxiv kws muaj koobmeej. Thov lug kaav kuv kuas kuv ua tau lubneej rua lwm tug pum. Kuv xaav kuas lwm tug paub koj yog tug Tswvyug Yaaj zoo rua cov yaaj, kuv xaav kuas kuv lubneej ua rua lwm pum koj nyob huv kuv, thov koj muaj lub sab mogmuas, coj kuv, tsomkwm kuv, cobqha kuv hab ua rua kuv. Huv Yexus lub npe. Kuv thov kev paab rua tej kws kuv ua nuav. Amees.